Mugire amahoro nshuti zanjye. Nk'uko nabibabwiye ubuheruka, igikorwa cya Komisiyo y'ubutabera n'amahoro ya Diyosezi Cyangugu(CDJP Cyangugu) cyo gutegura no gutunganya album y'indirimbo zivuga amahoro n'ubworoherane bishingiye ku nyigisho z'ivanjili zahimbwe kandi zikaririmbwa n'umuhanzi Vincent de Paul Ntabanganyimana, kirakomeje, ubu kikaba kigana ku musozo wacyo, kuko imirimo ijyanye no gufata no gutunganya amajwi n'umuziki ndetse na multiplication y'ama CD bimaze kurangira, hakaba hasigaye gusa kuzibagereza ku masoko hirya no hino aho buri wese azashobora kuzibona hafi ye nabyo bigiye kwihutishwa. Abakunda amahoro kandi mukayaharanira mwese rero, ngaho nimugumye musabire icyo gikorwa n'ibindi bikorwa byose bigamije gufasha abana b'Imana kuba abanyamahoro, bagendeye ku rugero rwuzuye rwa Soko y'amahoro, Yezu Kristu, kandi mubwire n'abandi kuko ari mwe ba mbere bo gutunga ibihangano nk'ibyo.
Murakoze, mugire amahoro y'Imana
